Hindi Poetry

Chall pada huun uss raste parr jiski thi kabse talaash,
Girne ka tha darr sataata.. par ab hausla hai mere paas..
Ab bss udne ki tamanna hai, ab bss udne ka iraada hai..

Sabne bola muurkh ho, jo apni niyat se zyada sochte ho,
Insaan ke pair utne hi hone chaahiye, jitni chaadar ki gunjaaish ho..

Agar padd jaata soch mein ki chaadar kitni lambi hai..
To kaise jee paata iss lamhe ko jo deta hai jeevan gulzaar hone ka ehsaah?

Agar padd jaata iss soch mein ki samaaj ki jo seemaen hain..
To kaise mehsuus krr paata iss khushbu ko jo laati hai bahaar ?

Bediyon mein jakad gaya tha, todne ka waqt tha aaj..
Ab koi bhi toke, koi bhi roke..nai chuutega udne ka vishwaas.

Chall pada huun uss raste parr jiski thi kabse talaash,
Girne ka tha darr sataata.. par ab hausla hai mere paas..
Ab bss udne ki tamanna hai, ab bss udne ka iraada hai..

Gha is not there

Do follow me on Instagram. Click Here !